李任燊 Kyle Li

影人资料

李任燊讀過東華三院李賜豪小學同埋閩僑中學，喺2011年讀緊副學士Year 2嗰陣，參選由娛樂雜誌《Face》所舉辦嘅《第二屆 FACE UStar大專校花校草大選》，贏咗當年嘅校草冠軍，因為咁而入行。喺當選之後，佢一邊繼續讀副學士課程，一邊做兼職Model 為多個唔同牌子拍廣告。喺三年間已經接拍咗超過20個大型廣告，成為當年廣告界嘅**。李任燊重參加咗香港電台人氣節目嘅角色選拔，順利入到最後階段。喺2012年佢拍咗港台嘅青春偶像單元劇《Y2K系列》第五輯《DIY2K》（意思係Design in Y2K），喺劇入面飾演設計師 Kyle（任總），呢套亦係佢正式出道嘅影視作品。喺2014年佢正式同經理人公司蔚藍文化有限公司簽約。同年，接拍咗由陳雅莉執導嘅京澳**電影《沙漏愛情》（《Timing》）同埋由張經緯執導同爾冬陞監製嘅電影《藍天白雲》喺兩部電影入面都係做男主角。